#banking-glossary | 1 min read

Tshivenda Banking Glossary

By TymeBank - 09 September, 2021

U ḓivhadza epe
Hezwi ndi mus vha tshi vula akhaunthu ya TymeBank nga kha epe ya TymeBank, ine vha nga vha vho u daunuḽouda u bva kha Google Play, App Store kana AppGallery. Musi vha tshi vula akhaunthu nga epe ya TymeBank, zwo tsireledzea saizwi itshi shumisa u ḓivha tshifhaṱuwo u sumbedza ndi vhone.

Kiosiki
Kiosiki dza TymeBank ndi buthyu ṱhukhu, dza tshifhinganyana, dzo imaho nga dzoṱhe dzine vha kona u vula akhauthu ya TymeBank, u dzhia garaṱa yavho ya Visa ya mahala, u khwiṋisa tshiimo tsha phurofaiḽi yavho na zwiṅwe. Kiosiki ya TymeBank a si ATM, zwenezwo vha nga si kone u bvisa na u dzhenisa tshelede kha kiosiki. Fhedzi tshelede vha a kona u i bvisa nga mahala Pick n Pay na Boxer kha mutshino wa u badelisa nga garaṱa yavho ya TymeBank.

USSD
USSD yo imela “data ta tshumelo thikhedzi yo dzudzanyeaho”. Ndi lushaka lwa thekhinoḽodzhi ya vhudavhidzani ine ha ṋekedza tshumelo ya thekhinikhala kha ṱhingothendeleki. Musi vha tshi founela nomboro ine ya vha na * mathomoni na # magumoni, vha khou shumisa USSD.

ATM
Mutshini wa tshelede wa othomethiki (ATM) ndi mutshini une wa konisa vhone u ita ṱhiransekisheni dza u bannga dza mutheo sa u bvisa na u dzhenisa tshelede, vha sa khou tea u dzhena banngani kana u thusiwa nga mushumi wa banngani. Vha nga shumisa ATM u bvisa tshelede u bva kha akhaunthu yavho ya TymeBank.

EFT
Pfukiselo ya masheleni ya eḽeṱhironiki (EFT) i pfukisa tshelede u bva kha akhauthu u ya kha iṅwe lwa eḽekiṱhironiki nga kha netiweke ya khomphiyutha. Ṱhiransekisheni dza EFT dzi dovha dza ḓivhiwa sa u bannga ha eḽekiṱhironiki kana u bannga ha inthanethe hu nga itwa nga u dzhena kha phurofaiḽi yavho ya u bannga kha khomphiyutha yavho kana luṱingothendeleki lwavho. U wana na u ita mbadelo dza EFT nga u ṱavhanya vhukati ha 8am na 3pm mafheloni a vhege, hu sa katelwi holodei dza nnyi na nnyi.

Saswitch
Saswitch ndi sisiṱeme ya u shandukisa ine ya vha tendela u shumisa ATM iṅwe na iṅwe u bvisa na u diphositha tshelede, hu si na ndavha na bannga ye vha ḓiṅwalisa khayo.

Diphosithi dzo livhaho
Lushaka ulwu lwa diphosithi lu vha konisa u badela vhashumi lwa eḽekiṱhironiki. Nga murahu ha u ita mutevhe wa mbadelo vha ḓivhadza muṋetshedzatshumelo dza u diphositha ho livhaho wavho tshelede ine vha khou dzhenisa kha akhaunthu ya bannga ya mushumi, muṋetshedzatshumelo dza u diphositha ho livhaho u pfukisa tshelede iyo a i isa kha akhauthu ya mushumi nga ḓuvha ḽa muholo.

Pfukiselo dza vhuṱumani
Pfukiselo dza vhuṱumani ndi nḓila dza tshihaḓu dza u rumela masheleni. Kanzhi dzi shumiswa u itela mbadelo khulwane dzi si dza misi yoṱhe, saizwi hu na mbadelo nga ngomu. Vha nga shumisa pfukiselo dza vhuṱumni u badela vharengisi, kana u ita mbadelo khulwane kha zwifhaṱo kana zwishumiswa.

Phoindi dza Smart Shopper (Murengi o Ṱalifhaho)
Phoindi idzi ndi phoindi dza vhuluvha dza Pick n Paydzine vha nga dzi wana musi vha tshi swaipa na u renga nga garaṱa yavho ya debithi ya TymeBank kha vhengele ḽiṅwe na ḽiṅwe ḽa tshifhaṱo kana ḽa kha lubuvhisia. Vha nga shumisa phoindi dza Smart Shopper kha Pick n Pay iṅwe na iṅwe.

Khwaṱhisedzo ya bayomeṱhiriki na u ḓivha tshifhaṱuwo
Khwaṱhisedzo ya bayomeṱhiriki zwi amba thekhineḽodzhi ya vhutsireledzi ine ya shumisa zwiṱaluli zwa bayoḽodzhikhala zwa muthu, zwi ngaho sa khanḓiso dza miṅwe, u khwaṱhisedza vhunṋe. U ḓivha tshifhaṱuwo ndi iṅwe ngona ya khwaṱhisedzo ya bayomeṱhiriki, ine khayo mbonalo dza muthu dza tshifhaṱuwo dza shumiswa u khwaṱhisedza vhunṋe havho.

Khwaṱhisedzo ya zwivhumbi zwivhili
Khwaṱhisedzo ya zwivhumbi zwivhili ndi ngona ya khwaṱhisedzo ya eḽekiṱhironiki ine ya vha ṋea u swikelela mafhungo a vhone vhaṋe musi vho no khwaṱhisedza vhunṋe havho nga zwipiḓa zwivhili zwa vhuṱanzi. Sa tsumbo, musi vha tshi ita mbadelo kha epe ya TymeBank, vha ḓo swikelela akhaunthu yavho nga kha u ḓivha tshifhaṱuwo kana phini yavho. Vha ḓo dovha vha rumelwa phini ya tshifhinga tshenetsho nga SMS u khwaṱhisedza uri ndi vhone vhane vha khou ṱoḓa u ita ṱhiransekisheni.

Nzwalelo
Nzwalelo kha akhaunthu ya u vhulunga zwi amba tshelede ine bannga ya badela vhone u itela u fara tshelede yavho banngani. Nzwalelo dzi ambedzaniwa nga phesenthe yo wanalaho ṅwaha nga ṅwaha vho vhea tshelede kha akhaunthu. Nga kha TymeBank, vha nga wana u swika kha nzwalelo dza 8% nga ṅwaha kha tsheede yavho ire kha akhaunthu ya GoalSave.

Nzwalelo dzo wanalaho
Nzwalelo dzo wanalaho ndi tshivhalo tsha nzwalelo dze vha dzi wana nga tshifhinga tsho imaho ngauri tsha u vhulunga, nahone dzi badelwa vhone nga u tevhekana nga kha mbadelo dza misi nga misi. Sa tsumbo, vha vhea R1 000 kha akhaunthu yavho ya GoalSave, vha ḓo wana R80 sa nzwalelo nga murahu ha tshifhinga tshi swikaho ṅwaha arali vho tea u wana phimo ya nzwalelo ya 8% kha GoalSave.

Nzwalelo dzo vhalaho
Nzwalelo dzo vhalaho zwi amba u wana nzwalelo kha akhaunthu yavho ya u vhulunga na nzwalelo dzo wanalaho nga u vhulunga uho. Arali vha ṱavhanya u thoma u vhulunga, vha ḓo ṱavhanya u wana nzwalelo dzo vhalaho. 

Get the app.
Get the account.

Download the TymeBank app to open your free bank account in less than 5 min. No paperwork. No stress.

Download the TymeBank app now:

Download on the App StoreGet it on Google PlayExplore it on AppGallery